گؤزلرین حسرتی أکدی گؤزومه
اؤزونه گؤرمه یه گل باخ گؤزومه
بیرعؤمور باخماسان غملی گؤزومه.
"سن منیم گؤزومدن دوشمه یه جکسن"
ألینی توتماقا جسارت تاپدیم
سنی سئومه ییله تانرینی تاپدیم!
اؤزومده بیلمه دیم سنده نه تاپدیم
"سن منیم گؤزومدن دوشمه یه جکسن"
باخیشیم یولوندا !
ایسته مه سنده
اورگین گئدیرسه .دایانما سنده.
گلدیگیم کوچه یه سو سپمه سنده .
"سن منیم گؤزومدن دوشمه یه جکسن"
خیاللار قوروروخ اؤز آرامیزدا
سن منیم جانیمسان ،سؤز آرامیزدا!
گل بیر دونیا قوراخ اؤز آرامیزدا
"سن منیم گؤزومدن دوشمه یه جکسن"
گئدیشین ایینه دیر ،باخیشیم سا ،یول!
گؤزومو بیریوللوخ تیک یولا،
بو یول
سون سؤزوم:مزاریم اولسادا بو یول
سن منیم گؤزومدن دوشمه یه جکسن"