یاریمی آلدین الیمدن
گؤزون آیدین قارا توپراق
سن اوتوبسان، اوتوزان من
گؤزون آیدین قارا توپراق
یاریما سن اوتاق اولدون
اونا بیر سرت یاتاق اولدون
سؤزلرینه قولاق اولدون
گؤزون آیدین قارا توپراق
نئجه قییدین گولو دردین
اونو اؤز کؤنلونه سردین
دئیه سن آزالدی دردین
گؤزون آیدین قارا توپراق
ییرمی بئش یای- قیش اؤتوشدو
نیسگیل ایله درد قاتیشدی
دؤزمه دی گول یئره دوشدو
گؤزون آیدین قارا توپراق
ائلیمین نازلیسی سنده
دونیانین دردلری منده
ناز یاتیبدیر آغ کفنده
گؤزون آیدین قارا توپراق!